الرئيسية
أحدث الصور
أنكسار
أنكسرت من الفراق وشوف عيني
شوف عيني وأنت تدري بنكساري
كل ما مديت لوصالك يميني
رحت تتجاهل يميني مع يساري
حتى صرت أشوف جرحك في يديني
في يديني لجور صداتك مواري
حس فيها لا بلاها حسن فيني
لاتعبرها لاكن رد اعتباري
وين مقفي جعل منت بمنتويني
بالجفا والخوف وأنواع العزاري
يا هلي يا نصف ربعي يا خديني
يا مواني غربتي يا روح داري
يا شموخي يا أنكشافي يا دفيني
يا علوي يا بقائي يا أنحداري
يا بداياتي يا مائي يا أكسجيني
يا أندثاري يا أعتدالي يا أزدهاري
يا بلادة حسي وقمة حنيني
يا أختياري لا ياعشواء أختياري
أعشقك من عادني فول سنيني
لين صرت آخذ مع نفسي قراري
من عرفتك وأنت ثالث والديني
واللجوء أليك يعني لك فراري
ضمني خل الضرر بينك وبيني
الضرر من ضميتك شي أضطراري
خل يدينك من الجور تحميني
من جمودي عيشني لين أنصهاري
كل ما ضاقت بعيني يا معيني
أبتسمت وصار لي ليلي نهاري
لا سكت نروح بالطيش تحكيني
رجعي بطبعك وبسلوبك حضاري
ما ذبحني فيك الا انك تبيني
وما سحرني الا حكاك الاستعاري
لا حكيت آحس بشيا تعتريني
ويخشع قلبي وتطريلي طواري
آعشق حكيك وأحفظه يا ضنيني
حفظ أبن تيميه لحكي البخاري
ولا سكت أحط يدي في جبيني
وأرجي الله ما يطول بنتظتري
أدري أني عندك وأسألك ويني
داري لكن ما كني بداري
لين شيطاني تلفظ كلمتيني
ورحت مني ما تبي سمع أعتذاري
ولا تبكي وتفرح عاذليني
لا تخسرني بعد كبر أنتصاري
لا تخليني بعد فيضة كنيني
وأنت خابرني على الوصل أنتحاري
لا تروح بروحتك كل يجيني
ماني مكابر ولا حتى مداري
أنكسرت من الفراق وشف عيني
شوف عيني وأنت تدري بنكساري
